ᐃᑲᔪᖅᓱᐃᓂᖅ ᐊᒻᒪᓗ ᑐᓂᓯᔨᐅᔪᓂᑦ ᐱᓕᕆᔾᔪᔾᔨᓂᐅᔪᓂᑦ

ᖃᕋᓴᐅᔭᑎᒍ ᑐᑭᓯᒋᐊᖅᑕᕐᕕᖁᑎᓯ ᐱᐊᓂᒃᐸᑦ ᐊᒻᒪᓗ ᐃᖏᕐᕋᓕᕐᓗᓂ, ᐱᓕᕆᐊᒃᓴᕗᑦ ᓱᓕ ᐱᐊᓂᙱᓚᖅ. ᐊᖏᖅᓯᒪᑦᑎᐊᖅᐳᒍᑦ ᓴᓇᓂᕐᒧᑦ ᖃᕋᓴᐅᔭᑎᒍ ᑐᑭᓯᒋᐊᖅᑕᕐᕕᓂᑦ ᐱᓕᕆᔾᔪᔾᔨᕙᒃᑕᑦᑎᓐᓄᑦ ᐊᔪᕐᓇᙱᓪᓗᑎᒃ ᐊᐅᓚᓐᓂᕐᒧᑦ ᐊᒻᒪᓗ ᑲᔪᓯᑎᑦᑎᐊᖏᓐᓇᕐᓂᕐᒧᑦ. ᑕᒪᑐᒪ ᒥᒃᓵᓄᑦ, ᐊᑐᐃᓐᓇᖃᖅᑎᑦᑎᕗᒍᑦ ᑕᒪᐃᑎᒍᑦ ᐊᔾᔨᒌᙱᑦᑐᓂ ᐱᓕᕆᔾᔪᔾᔨᓂᐅᔪᓂᑦ ᐃᑲᔪᕐᓂᕐᒧᑦ ᐃᓕᓴᐃᑎᑦᑎᓂᕐᒥᑦ ᐃᖅᑲᓇᐃᔭᖅᑎᓄᑦ, ᓂᕈᐊᕐᓂᕐᒥᑦ ᑐᓂᓯᔨᐅᔪᓂᑦ ᐱᓕᕆᔾᔪᔾᔨᓂᐅᔪᓂᑦ ᓂᕈᐊᒐᒃᓴᓂᑦ, ᐊᒻᒪᓗ ᐋᖅᑭᒋᐊᖅᓯᓂᕐᒥᑦ ᐅᕝᕙᓘᓐᓃᑦ ᐋᖅᑭᒋᐊᖅᑎᐊᖅᓯᓂᕐᒥᑦ ᖃᕋᓴᐅᔭᑎᒍᑦ ᐃᓂᒋᔭᕐᓂᑦ ᐱᔭᕆᐊᖃᕐᓂᓯ ᐊᓯᔾᔨᖅᐸᑕ. 

ᐃᓕᓴᖅᓯᓯᒪᕗᒍᑦ ᖃᕋᓴᐅᔭᑎᒍᑦ ᐊᕙᑎᖓ ᐆᒻᒪᕆᒃᑑᓂᖓᓂ, ᐊᒻᒪᓗ ᑎᑭᓐᓂᐅᔪᒥᑦ 3G ᐅᐊᔭᖃᙱᑦᑐᓄᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑏᑦ ᖃᕋᓴᐅᔭᑎᒍᑦ ᐱᓕᕆᔾᔪᑏᓪᓗ ᐋᖅᑭᒃᓯᒪᓂᖏᓐᓂᑦ ᐅᑭᐅᖅᑕᖅᑐᒥᑦ ᓴᖅᑭᑎᑦᑎᓯᒪᓂᖓᓂ ᓄᑖᒥᑦ ᐋᔩᖃᑎᒌᖕᓂᕐᒧᑦ ᐱᕕᒃᓴᐅᔪᓂᑦ. ᐃᑲᔪᕈᒪᕙᕗᑦ ᐱᓕᕆᔾᔪᔾᔨᕙᒃᑕᑦᑎᓐᓂ ᐱᓂᕐᒧᑦ ᑕᒪᒃᑮᓂᑦ ᐊᑐᕐᓂᐅᓂᐊᖅᑐᒥᑦ ᑕᒪᕐᒃᑯᓂᖓ ᐱᕕᖃᕐᓂᐅᔪᓂᑦ, ᐊᒻᒪᓗ ᖁᕕᐊᑉᐳᒍᑦ ᑲᔪᓯᑎᑦᑏᓐᓇᕐᓂᕐᒥᑦ ᐃᖏᕐᕋᐃᓐᓇᖅᑐᒥ ᐱᓕᕆᖃᑎᖃᕐᓂᕐᒥᑦ ᐃᓕᔅᓯᓐᓂ, ᐊᑐᐃᓐᓇᖃᕐᓗᑕ ᐅᖃᐅᔾᔨᓂᕐᒥᑦ ᓯᕗᓂᒃᓴᒧᑦ ᐋᖅᑭᒋᐊᕈᑕᐅᔪᒃᓴᓂᑦ ᐅᕝᕙᓘᓐᓃᑦ ᐃᓚᒋᐊᕈᑎᓂᑦ ᑕᒪᒃᑮᑦ ᑭᐅᒪᔪᓂᑦ ᐊᒻᒪᓗ ᓂᕆᐅᒃᑐᓄᑦ ᐊᓯᔾᔨᖅᐸᓪᓕᐊᔪᓂ ᐱᔭᕆᐊᖃᖅᑕᔅᓯᓐᓂ.  ᐱᓕᕆᔾᔪᔾᔨᕙᒃᑕᕗᑦ ᖃᐅᔨᒪᖁᕙᕗᑦ ᐊᖏᖅᓯᒪᓂᑦᑎᓐᓂᑦ ᐃᓱᓕᙱᓚᖅ ᖃᕋᓴᐅᔭᑎᒍ ᑐᑭᓯᒋᐊᖅᑕᕐᕕᖏᑦ ᐋᖅᑭᒃᑕᐅᕌᓂᖕᓂᖓᓂ, ᑭᓯᐊᓂ ᐅᕙᓃᓐᓂᐊᖅᐳᒍᑦ ᐃᓕᔅᓯᓐᓄᑦ ᓯᕗᓂᒃᓴᒥ ᐃᑲᔪᕐᓂᕐᒧᑦᑕᐅᖅ.