ᖃᕋᔭᐅᓴᑎᒍᑦ ᐸᕐᓇᒍᑎᑦ

ᑐᕌᒐᕆᔭᕗᑦ ᓴᖅᑭᑎᑦᑎᓂᕐᒥᑦ ᖃᕋᔭᐅᓴᑎᒍᑦ ᐸᕐᓇᒍᑎᓂᑦ ᐋᖅᑭᒃᓱᖅᑕᐅᓯᒪᔪᓂ ᒪᓕᒃᖢᒍ ᐱᔭᕆᐊᖃᕐᓂᐅᔪᓂᑦ ᐱᓕᕆᔾᔪᔾᔨᕙᒃᑕᑦᑎᓐᓄᑦ. ᐃᓕᓴᖅᓯᓯᒪᕗᒍᑦ ᖃᕋᓴᐅᔭᑎᒍ ᑐᑭᓯᒋᐊᖅᑕᕐᕕᖏᓐᓂᑦ ᐃᓚᒋᔭᐅᓂᖓᓂ ᑕᒪᐃᑎᒍᑦ ᐋᔩᖃᑎᒌᖕᓂᕐᒧᑦ ᐸᕐᓇᐅᑎᐅᔪᒥᑦ ᐃᓱᒪᒋᔭᖃᓪᓗᐊᖅᑐᒥᑦ ᐊᔾᔨᒌᙱᕈᓘᔭᖅᑐᓂᑦ ᑕᑯᒃᓴᑎᒍᑦ ᓯᐊᒻᒪᖅᑎᑦᑎᓂᕐᓄᑦ ᐱᓕᕆᔾᔪᑎᐅᔪᓂᑦ ᐃᓚᖃᕐᓗᓂ ᑕᕐᕆᔭᓕᐅᕐᓂᕐᒧᑦ, ᖃᕋᓴᐅᔭᑎᒍᑦ ᐊᑐᖅᑕᐅᕙᒃᑐᓂᑦ ᐊᒻᒪᓗ ᐃᓄᓕᒫᓄᑦ ᑕᑯᒃᓴᑎᒍᑦ ᓯᐊᒻᒪᖅᑎᑦᑎᓂᕐᒥᑦ.  ᐱᓕᕆᖃᑎᖃᕐᓂᐊᖅᐳᒍᑦ ᐅᖃᖃᑎᖃᐃᓐᓇᕐᓗᑕ ᖃᐅᔨᓇᓱᐊᕐᓂᕐᒧᑦ ᑭᓱᒥᓪᓚᑦᑖᖅ ᐱᔭᕆᐊᖃᕐᓂᕐᓂᑦ ᐊᒻᒪᓗ ᐃᑲᔪᖅᑐᕐᓗᑕ ᐃᓕᖕᓂᑦ ᓴᓇᓂᕐᒧᑦ ᖃᕋᓴᐅᔭᑎᒍ ᑐᑭᓯᒋᐊᖅᑕᕐᕕᖏᓐᓂᑦ ᓈᒻᒪᑦᑎᐊᖅᑐᒧᑦ ᑕᒪᐃᑎᒍᑦ ᑐᕌᒐᒃᓴᕆᔭᔅᓯᓐᓂ ᑕᒪᑐᒪᓂ ᐱᓕᕆᓂᐅᔪᒥᑦ, ᐅᖃᐅᓯᖃᕐᓂᐊᖅᐳᒍᑦ ᑭᓱᓕᒫᑦᑎᐊᓂᑦ ᐊᑐᕐᓂᐅᔪᓂᑦ ᖃᕋᓴᐅᔭᑎᒍ ᑐᑭᓯᒋᐊᖅᑕᕐᕕᖏᓐᓂᑦ, ᑕᐅᑦᑐᐊᓂ ᓴᓇᓂᕐᒧᑦ ᐊᒻᒪᓗ ᓂᕈᐊᕆᓂᕐᒧᑦ ᐃᓗᓕᒃᓴᖏᓐᓂᑦ.  ᐃᓕᖕᓂᑦ ᐃᑲᔪᕐᓂᐊᕆᕗᒍᑦ ᐃᓱᒪᒃᓴᖅᓯᐅᕆᓂᕐᒥᑦ ᓇᓕᐊᖕᓂ ᖃᕋᓴᐅᔭᑎᒍᑦ ᐱᓕᕆᔾᔪᑕᐅᔪᓂ ᐱᔪᓐᓇᖅᑎᑦᑎᓂᐊᖅᑐᒥᑦ ᑎᑭᐅᒪᔪᓐᓇᑦᑎᐊᕐᓂᐊᖅᑐᒥᑦ ᑐᕌᒐᕆᔭᕐᓂᑦ ᐃᓄᖕᓄᑦ. ᐃᓱᓕᑎᓪᓗᒍ ᐅᖃᖃᑎᖃᕐᓂᖅ, ᐃᓕᖕᓂᑦ ᑐᓂᓯᓂᐊᖅᐳᒍᑦ ᐅᓂᒃᑳᖅᓯᒪᑦᑎᐊᖅᑐᒥ ᖃᕋᓴᐅᔭᑎᒍᑦ ᐸᕐᓇᒍᑎᒥᑦ ᓂᕈᐊᒐᒃᓴᓂᑦ ᓇᓗᓇᐃᖅᓯᓯᒪᔪᓂᑦ ᐊᑐᐃᓐᓇᖃᕐᓂᑦᑎᓐᓂᑦ. ᐅᖃᐅᓯᖃᓕᕐᓂᐊᖅᐳᒍᑦ ᑕᒪᒃᑯᓂᖓ ᓂᕈᐊᒐᒃᓴᐅᔪᓂᑦ ᐃᓕᖕᓂ ᐃᑲᔪᕋᓱᒡᓗᑕ ᐃᓱᒪᒃᓴᖅᓯᐅᕆᓂᕐᒥᑦ ᐃᓕᖕᓄᑦ ᐱᐅᓂᖅᐹᖑᔪᒥᑦ ᐱᔭᕆᐊᖃᖅᑕᕐᓂᑦ.